WANICHUNIANI?

Kumbe hunitaki binti, yanini ulinichuna?

Ukadinya zangu senti, Kumbe upendo hakuna

Sasa I don't want, Kusikia lako jina

Kumbe si type yako, kwanini ulinichuna?

Najuta kukufahamu, Nimeshajiona boya

Japo dhambi kuhukumu, Ila wewe ni mala,,,,,,,

Nimeambukia sumu, nitaandika riwaya

Kumbe si type yako, kwanini ulinichuna?

Uliniona mshamba, jinga lilo mahututi

Kijana kodi ya nyumba, nikakulipia ETI

Kumbe huko unatamba, umenipata roboti

Kumbe si type yako, kwanini ulinichuna?

Ukanifanya kuruta, kuwa kwako cheo sina 

Ukawa wanikokota, na vimaneno mwanana

Nilidhani nimepata, kumbe nimepatikana

Kumbe si type yako, kwanini ulinichuna?

Bila haya wala soni, Ukaanza nichubua

Mara pesa gulioni, zote mimi ninatoa

Nikikuomba vya ndani, mengi wajisingizia

Kumbe si type yako, kwanini ulinichuna?

Japo hali ime taiti, lakini nilijikaza

Nikakupeleka saiti, mali zangu kukujuza

Kwajili yako na fight, lengo wewe kukutunza

Kumbe si type yako, kwanini ulinichuna?

Ukiwa nami u mwema, unajifanya mpole

Ukitoka wanisema, kuninyoshea vidole

Kumbe lengo kunichuma, umepata MSUKULE

Kumbe si type yako, kwanini ulinichuna?

Umeshanichuna ngozi, sasa nimebaki kucha

Nazinduka usingizi, tayari kumeshakucha

Kuwa nawewe siwezi, kwa ulivo nipukucha

Kumbe si type yako, kwanini ulinichuna?

Nitampata mwenzangu, tutae endana kasi

Leo kwako neno langu, ni "MIMI NA WEWE BASI"

Japo nalia kizungu, bila kufuta kamasi

Nitampata mwenzangu, atakaye niridhia

Hii ni yako talaka, nimekwacha uelewe

Tabiazo nimechoka, nipe na maji ninawe

Mjinga akishituka, juwa mjinga ni wewe

Nitampata mwenzangu, atakaye niridhia

Mtunzi:- Saidi Rashidi Bunduki