TUNAMKUMBUKA (UTENZI)

UMMAR BIN MOHAMED MAHAMBA.

TWAMKUMBUKA DAIMA

SHEKHE WETUALO MWEMA

MZEE MWENYE HEKIMA

UMAR BIN MAHAMBA

NAANDIKA NIKILIA

CHOZI LANIMWAGIKIA

BADO TWAKUFIKIRIA

UMAR BIN MAHAMBA

UNDANI SIKUFAHAMU

NI KUBWA YAKO ELIMU

KWANGU ZAIDI YA MWALIMU

UMAR BIN MAHAMBA

 NILIPOKUWA LA SABA

ALISEMA WANGU BABA

NISOME KWAKO KWA HUBA

UMAR BIN MAHAMBA

NIKAHAMA KWAKO RASMI

KUIPATA YAKO ILMI

NAWE UKAWA NA MIMI

UMAR BIN MAHAMBA

 MADRASA ILIJAA

MPAKA NILISHANGAA

TULIFATA YAKO TWAA

UMAR BIN MAHAMBA

JAPO SIKUDUMU SANA

MAMBO KUINGILIANA

NILIPATA MENGI SANA

UMAR BIN MAHAMBA

 SIKUFIKIA KIKOMO

KWA SABABU YA MASOMO

NA MWAKO NIKAWA NIMO

UMAR BIN MAHAMBA

MASOMO YA SEKONDARI

YALIFANYA NISAFIRI

ILA UKANISUBIRI

UMAR BIN MAHAMBA

LIKIZO IKIWADIA

NARUDI KUJISOMEA

NAWE UNANIPOKEA

UMAR BIN MAHAMBA

KIDATO NILIHITIMU

NIKAREJEA KWA HAMU

NAWE HUKU NILAUMU

UMAR BIN MAHAMBA

NIKARUDI MASOMONI

UKAFURAHI MOYONI

TUKAISOGEZA DINI

UMAR BIN MAHAMBA

ULIPOKUJA RIDHIKA

KUONA NIMESHAFIKA

CHEO UKANIPACHIKA

UMAR BIN MAHAMBA

KUSIMAMIA WENZANGU

UKAWA BENETI KWANGU

DARASA IKAWA YANGU

UMAR BIN MAHAMBA

DARASA ILINAWIRI

WATOTO WALIKITHIRI

KWANGU UKAJIFAKHIRI

UMAR BIN MAHAMBA

SHEKHE HUKUA KIBURI

HUKUCHOKA ZETU SHARI

NA MENGI KUTUSHAURI

UMAR BIN MAHAMBA

MAISHA LIENDELEA

VYOTE SITOELEZEA

NAELEZA BAADHIA

UMAR BIN MAHAMBA

ALIPOTAKA KARIMA

KUTUONDA SISI UMMA

MARADHI KUKUEGAMA

UMAR BIN MAHAMBA

MARADHI YALISHAMIRI

SHEKHE KWELI ULIKIRI

WAKAJA MADAKITARI

UMAR BIN MAHAMBA

UGONJWA UKAKUSHIKA

WATU WALIHANGAIKA

MWISHOWE UKATUTOKA

UMAR BIN MAHAMBA

 UMETUACHA YATIMA

TUNALIA KWA HURUMA

NANI KWAKE TUTASOMA

UMAR BIN MAHAMBA

TAREHE KUMI NA TISA

JANUARI MWEZI HASA

RASMI TULIKUKOSA

UMAR BIN MAHAMBA

TWAWAZA KILA KUKICHA

HUZUNI TWASHINDWA FICHA

MZEE UMETUACHA

UMAR BIN MAHAMBA

MAMA ZETU WANALIA

MACHOZI MEWAISHIA

MAJONZI MEWAACHIA

UMAR BIN MAHAMBA

 UMEMUACHA NA NANI?

SAMARUMBI MLIMANI

PEKE ATAFANYA NINI?

UMAR BIN MAHAMBA

 UMEMUACHA NA NANI?

MKARAMO YA PANGANI

SAMFYOMI MASKINI

UMARI BIN MAHAMBA

RAFIKI ZAKO VIPENZI

WA ENZI TANGU NA ENZI

WAKULILIA MACHOZI

UMAR BIN MAHAMBA

ADAMU IDI BICHUKA

NAE ANAKUKUMBUKA

KILIO KIMEMFIKA

MUNGU AKULAZE PEMA

ALIIMBA KWENYE DUFU

BWANA  HUYU MAARUFU

KIFO HAKINA HARUFU

MUNGU AKULAZE PEMA

NA WALA HAKINUKII

NA SAUTI HUSIKII

WALIKUFA MANABII

MUNGU AKULAZE PEMA

UMETUACHA MZEE

TUTAFANYA NINI SIE

MUNGU ATUTANGULIE

MUNGU AKULAZE PEMA

NALIA NIKIKUWAZA

NINASHINDWA KUJIKAZA

NANI ATANILIWAZA?

MUNGU AKULAZE PEMA

WANAO WANANILIZA

NIWAONAPO HUWAZA

UMEWACHA KWENYE KIZA

MUNGU AKULAZE PEMA

MAJONZI YASO KIKOMO

YAMETANDA MKARAMO

KWELI LEO SHEKHE HUMO?

MUNGU AKULAZE PEMA

MUNGU AKULIPE WEMA

PEPO ILIYO ADHWIMA

HAKIKA WEWE NI MWEMA

MUNGU AKULAZE PEMA

SISEME SANA JAMANI

NI KADARI YA MANANI

TUNAPITA DUNIANI

SOTE TUTAELEKEA

YA ALLA TUPE SUBIRA

ILI TUPATE UJIRA

TUSIJE PATA HASARA

SOTE TUTAELEKEA

HAKUNA ATAEBAKI

HAKIKA HII NI HAKI

SOTE TUTAIDIRIKI

SOTE TUTAELEKEA

MUUNGU UWALAZE PEMA

WALOTUTOKA MAPEMA

NA SISI TULIO NYUMA

SOTE TUTAELEKEA

TUNAMSHUKURU MUNGU

MUUMBA WATU NA MBINGU

MWISHO WA UTENZI WANGU

ATUSAMEHE MAKOSA.

Mtunzi: SAIDI R. BUNDUKI

Tar 31.03.2018 Jumamosi.

Saa 8 -  saa 10 jioni.

Hii ni historia fupi ya MIMI kuingia madrasatil maawa kwa Sheikh Ummar M. Mahamba (Mungu amuweke pema)