NAIUSIA NAFSI YANGU

Tulia e moyo wangu, mtambue Mola wako
Usifwate walimwengu, wakupelekako siko
Fuata mambo ya Mungu, kesho pepo iwe yako
NAIUSIA NASI YANGU -

Dunia hii twavuka, wengi tulikuwa nao
Machoni wametutoka, kuenda kwa Mola wao
Leo una hadaika, waovu achana nao
NAIUSIA NAFSI YANGU - 

Imepambwa pambo feki, ili sisi tupotee
Tuende bila breki, mwishowe tutokomee
Ni mfano wa handaki, inauma aisee
NAIUSIA NAFSI YANGU -

Maisha mafupi sana, zaidi ya mbili kimo

Ni usiku na mchana, au kidogo kipimo

Shikilia ya Rabana, nakuvika hili somo

NAIUSIA NAFSI YANGU - 

Mfano huu kariri, hwenda mwisho ukatii

Unaemwona mzuri, si huoni husikii

Hakuumbwa kwa uturi, bali tone la manii!!

BINAADAMU HANA THAMANI -

Ewe moyo tulizana, leo ninakukumbusha

Penye kheri shikamana, yajayo yafurahisha

Ukiona sina mana, yajayo yasikitisha

UKIONA NI MZAHA - Utakuja jionea

Tumeitwa uma bora, kwasabu twausiana

Penye kheri na hasara, lazima kuzinduana

Ama kama nakukera, UTAPATA TABU SANA

NAIUSIA NAFSI YANGU - pamoja na kuwausia ndugu zangu