LIKIZO YANGU (MBEYA - TANGA) - 2020

Mara nyingi hua napenda kuandika matukio ya safari zangu katika maisha. Pitia hii

          

Huu ni muhtasari wa safari yangu ya kutoka Mbeya kuelekea Tanga kwa ajili ya likizo fupi na ambayo iliambatana na shuhuli fupi ya maulidi ya kuwatoa watoto ambao waliwekwa jando.

Nimeipanga katika mtiririko huu;-

1. KUONDOKA
2. SHEREHE YA MAULIDI
3. KURUDI MBEYA
4. CHANGAMOTO ZA SAFARI

1. KUONDOKA

Niliondoka siku ya jumatano tarehe 12 / 08 / 2020 nikiwa katika basi la Kampuni ya SAULI LUXURY COACH.                                  

• Safari ilianza mnamo saa 12:02 asubuhi
• Nilifika CHALINZE majira ya saa 11 jioni

Baada ya kufika chalinze nilipanda magari ya kuelekea Tanga kisha nikashuka katika kijiji cha Mkata ambapo nililala. Hapa nilifika majira ya saa 1:40 usiku.

Asubuhi nilikutana na mwanafunzi mwenzangu ambaye tulisoma wote Madrsatul maawa kule Mkalamo. Jamaa anaitwa Hakundwa Mohammed

Alinichukua na kwenda kupata chai nzito.

Niliondoka Mkata saa 4:46 asubuhi kwa basi la Kampuni ya KiDATO BUS SERVICE na Mwenyezimungu alinijaalia kufika Kijijini kwetu Mkalamo mnamo saa 8 mchana.

My sweet Home

Furaha ilikuwa imeshamiri kwa kukutana na ndugu na jamaa zangu ambao kwa muda mrefi hatukua pamoja.

Sikuweza kuwachukua wote katika picha, lakini hawa ni baadhi yao.

Nikiwa na Kijana wangu - Salimu Mfano (Mwenye kanzu ya kijivu)

Hapa nikiwa na Ustadh AMIRI (wa katikati) na Ustadh ABDALA HAMISI

Hapa nikiwa na Ustadh ADAM BICHUKA (Mwenye Kofia) pamoja na BWN Mohamed Sindi

                                        

2. SHEREHE YA MAULIDI

Sherehe ile ilipangwa kufanyika siku ya jumamosi tarehe 15 / 08 / 2020. Hivyo baada ya kufika ulikuwa ni muda muafaka wa maandalizi.

Miongoni mwa maandalizi makubwa ilikuwa ni kuandaa uwanja, kufunga taa, sambamba na kuweka maturubai.

Ustadh Amiri akiwa na kijana wake Hamisi wakiwa katika maandalizi ya kufunga taa.

      

Usiku wa kuamkia siku ya sherehe ilikuwa ni shamra shamra za hapa na pale nikiwa na baadhi ya vijana wa Madrasatul maawa ambao tulikesha kwa shughuli za utangulizi wa jambo letu.

Tarehe 15 ilipofika shughuli yetu ilianza majira ya saa 9 badala ya saa 8 ambayo tulipanga. Lakini hakuna ambacho kiliharibika.

Wanafunzi walikuja na kushiriki vizuri kabisa.

Baadhi ya wanafunzi wa Madrasatul maawa, wakiwa wameshawasili eneo la tukio.

    

            

Shughuli ilikwenda vizuri na kila mtu alifurahia kwa namna yake.

3. KURUDI

safari ya kurudi nilikuwa na familia yangu yote ambao wakati wa kwenda walitangulia kabla yangu.

Tuliondoka siku ya jumatano tarehe 19 / 08 / 2020 kwa basi la KIDATO majira ya saa 4:33 asubuhi.

Tulifika Mkata saa 8 mchana na baada ya kupata chakula tuliendelea na safari hadi kufika katika mji wa RUVU Mkoa wa PWANI ambako tulilala.

Hapa Ruvu ni kwa dada wa mke wangu.

Siku ya tarehe 20 tuliondoka Ruvu asubuhi saa mbili na kurejea Mbeya ambako tulifika saa 3:18 usiku.

4. CHANGAMOTO ZA SAFARI

Kwa kawaida kila jambo huwa halikosi changamoto zake. Miongoni mwa changamoto za  safari yangu ni;-

    i) USUMBUFU WA MIZIGO

Hii ilikuwa ni wakati wa kwenda, kwakuwa nilijiandaa kwenda kufanya shughuli ilinibidi kubeba mizigo mingi ikiwemo mchele, maharage na vinginevyo.

   ii) UGUMU WA MAANDALIZI YA KIPINDI

Pamoja na maudhui mengine ya safari lakini pia nilikwenda kwa ajili ya kufanya kipindi cha "MAISHA SAFARI" na wadau mbali mbali ambao walipitia magumu katika maisha yao.

Kipindi hiki huwa kinaruka moja kwa moja katika channel yetu ya YOUTUBE ya Bunduki TV lakini pia hapa katika blog ya mrbunduki.com

Kutokana na sababu ambazo zilikuwa nje ya uwezo wangu, baadhi ya vitendea kazi vilikosekana na kusababisha kutokupata picha za video.

Lakini pia kutokana na mambo kuwa mengi, baadhi ya wadau sikuweza kufanya nao mahojiano na hatimaye kurudi Mbeya.

Hizi ni baadhi ya changamoto chache ambazo zilijitokeza katika safari hii.

Na huu ndio muhtasari wa safari yangu ya kuelekea Tanga.

**************